iPhone ’ਤੇ “ਸਿਹਤ” ਐਪ ਡੇਟਾ ਨਾਲ ਜਾਣ-ਪਛਾਣ
“ਸਿਹਤ” ਐਪ iPhone, iPad, ਅਤੇ Apple Watch ਦੇ ਨਾਲ-ਨਾਲ ਤੀਜੀ-ਧਿਰ ਅਨੁਕੂਲ ਐਪਾਂ ਅਤੇ ਕਨੈਕਟ ਕੀਤੇ ਡਿਵਾਈਸਾਂ ਤੋਂ ਤੁਹਾਡੀ ਸਿਹਤ ਜਾਣਕਾਰੀ ਨੂੰ ਸੁਰੱਖਿਅਤ ਢੰਗ ਨਾਲ ਸਟੋਰ ਕਰਦੀ ਹੈ। ਤੁਸੀਂ ਸਰੀਰ ਦੇ ਮਾਪ, ਲੱਛਣਾਂ, ਮਾਹਵਾਰੀ ਦੇ ਚੱਕਰ ਦੀ ਜਾਣਕਾਰੀ, ਅਤੇ ਹੋਰ ਬਹੁਤ ਕੁਝ ਲਈ ਡੇਟਾ ਮੈਨੂਅਲੀ ਵੀ ਭਰ ਸਕਦੇ ਹੋ।
Siri: ਸਮਰਥਿਤ ਮਾਡਲਾਂ ’ਤੇ, Siri ਨੂੰ ਕੁਝ ਇਸ ਤਰ੍ਹਾਂ ਪੁੱਛੋ, “What’s my heart rate?” ਜਾਂ “How far have I walked today?” (ਸਾਰੀਆਂ ਭਾਸ਼ਾਵਾਂ ਜਾਂ ਖੇਤਰਾਂ ਵਿੱਚ ਉਪਲਬਧ ਨਹੀਂ ਹੈ)। Siri ਦੀ ਵਰਤੋਂ ਕਰਨੀ ਸਿੱਖੋ।
iPhone ਤੋਂ “ਸਿਹਤ” ਐਪ ਡੇਟਾ
iPhone ਕੀਮਤੀ ਸਿਹਤ ਡੇਟਾ ਨੂੰ ਆਟੋਮੈਟਿਕਲੀ ਸਟੋਰ ਕਰਦਾ ਹੈ ਅਤੇ ਵਿਸ਼ਲੇਸ਼ਣ ਕਰਦਾ ਹੈ, ਜਿਸ ਵਿੱਚ ਹੇਠ ਲਿਖੇ ਸ਼ਾਮਲ ਹਨ:
ਕਦਮ, ਪੌੜੀਆਂ, ਅਤੇ ਹੋਰ ਪੈਦਲ ਡੇਟਾ: ਤੁਹਾਡੇ iPhone ’ਤੇ ਬਿਲਟ-ਇਨ ਸੈਂਸਰ ਤੁਹਾਡੇ ਵੱਲੋਂ ਤੁਰੇ ਗਏ ਕਦਮਾਂ ਦੀ ਗਿਣਤੀ, ਤੁਹਾਡੇ ਵੱਲੋਂ ਚੜ੍ਹੀਆਂ ਜਾਣ ਵਾਲੀਆਂ ਪੌੜ੍ਹੀਆਂ ਦੀ ਗਿਣਤੀ, ਤੁਹਾਡੇ ਚੱਲਣ ਦੀ ਗਤੀ ਅਤੇ ਹੋਰ ਬਹੁਤ ਕੁਝ ਕੈਪਚਰ ਕਰਦੇ ਹਨ। ਤੁਸੀਂ “ਸਿਹਤ” ਐਪ ਵਿੱਚ ਗਤੀਵਿਧੀ ਸ਼੍ਰੇਣੀ ਵਿੱਚ ਇਸ ਡੇਟਾ ਦੇ ਬਾਰੇ ਹਾਈਲਾਈਟ, ਰੁਝਾਨ ਅਤੇ ਵੇਰਵੇ ਬ੍ਰਾਊਜ਼ ਕਰ ਸਕਦੇ ਹੋ।
ਗਤੀਸ਼ੀਲਤਾ ਡੇਟਾ: iPhone ਮਹੱਤਵਪੂਰਨ ਗਤੀਸ਼ੀਲਤਾ ਮਾਪਕਾਂ ਨੂੰ ਸਟੋਰ ਕਰਦਾ ਹੈ ਜਿਵੇਂ ਕਿ ਬੇਤਰਤੀਬ ਚਾਲ, ਡਬਲ ਸਪੋਰਟ ਸਮਾਂ, ਅਤੇ ਹੋਰ ਬਹੁਤ ਕੁਝ। ਸਮੇਂ ਦੇ ਨਾਲ, ਜਦੋਂ ਤੁਸੀਂ ਆਪਣੀ ਜੇਬ ਵਿੱਚ iPhone ਰੱਖਦੇ ਹੋ ਜਾਂ ਇਸ ਨੂੰ ਆਪਣੀ ਕਮਰ ਦੇ ਨੇੜੇ ਰੱਖਦੇ ਹੋ, ਤਾਂ ਇਹਨਾਂ ਮਾਪਕਾਂ ਦੀ ਵਰਤੋਂ ਤੁਹਾਡੀ ਚਾਲ ਸਥਿਰਤਾ ਦੀ ਗਣਨਾ ਕਰਨ ਅਤੇ ਰਿਕਾਰਡ ਕਰਨ ਲਈ ਕੀਤੀ ਜਾਂਦੀ ਹੈ। ਤੁਸੀਂ ਇਸ ਡੇਟਾ ਨੂੰ ਗਤੀਸ਼ੀਲਤਾ ਸ਼੍ਰੇਣੀ ਵਿੱਚ ਬ੍ਰਾਊਜ਼ ਕਰ ਸਕਦੇ ਹੋ। ਤੁਸੀਂ ਇੱਕ ਸੂਚਨਾ ਪ੍ਰਾਪਤ ਕਰ ਸਕਦੇ ਹੋ ਅਤੇ ਆਪਣੀ ਸੂਚਨਾ ਨੂੰ ਦੂਜਿਆਂ ਨਾਲ ਸਾਂਝਾ ਕਰ ਸਕਦੇ ਹੋ ਜੇਕਰ ਤੁਹਾਡੀ ਸਥਿਰਤਾ ਇੰਨੀ ਘੱਟ ਹੋ ਜਾਂਦੀ ਹੈ ਕਿ ਅਗਲੇ 12 ਮਹੀਨਿਆਂ ਵਿੱਚ ਤੁਹਾਡੇ ਡਿੱਗਣ ਦਾ ਖ਼ਤਰਾ ਵਧਦਾ ਹੈ।
ਹੈਡਫ਼ੋਨ ਆਡੀਓ ਪੱਧਰ: ਕਨੈਕਟ ਕੀਤੇ AirPods, EarPods ਜਾਂ ਹੋਰ ਅਨੁਕੂਲ ਹੈੱਡਫ਼ੋਨ ਤੋਂ ਆਡੀਓ ਪੱਧਰ ਮਾਪ ਆਟੋਮੈਟਿਕਲੀ “ਸਿਹਤ” ਐਪ ਵਿੱਚ ਸਟੋਰ ਕੀਤੇ ਜਾਂਦੇ ਹਨ। ਤੁਹਾਡੀ ਹੈੱਡਫੋਨ ਸੁਣਨ ਸ਼ਕਤੀ ਦੀਆਂ ਆਦਤਾਂ ਨੂੰ ਸਮਝਣ ਵਿੱਚ ਤੁਹਾਡੀ ਮਦਦ ਕਰਨ ਲਈ, ਤੁਸੀਂ ਸੁਣਨ ਸ਼ਕਤੀ ਸ਼੍ਰੇਣੀ ਵਿੱਚ ਇਸ ਡੇਟਾ ਦੀ ਸਮੀਖਿਆ ਕਰ ਸਕਦੇ ਹੋ।
ਨੀਂਦ ਦੀ ਹਿਸਟਰੀ: ਜੇਕਰ ਤੁਸੀਂ ਸਿਹਤ ਐਪ ਵਿੱਚ ਨੀਂਦ ਦਾ ਸਮਾਂ ਸ਼ੈਡਿਊਲ ਸੈੱਟ ਅੱਪ ਕਰਦੇ ਹੋ ਤਾਂ iPhone ਸੌਣ ਦੇ ਇਰਾਦੇ ਨਾਲ ਬੈੱਡ ਵਿੱਚ ਸੌਣ ਦੇ ਸਮੇਂ ਦਾ ਅਨੁਮਾਨ ਲਗਾਉਂਦਾ ਹੈ। ਤੁਸੀਂ ਆਪਣੇ ਨੀਂਦ ਦੇ ਟੀਚਿਆਂ ਨੂੰ ਪੂਰਾ ਕਰਨ ਵਿੱਚ ਮਦਦ ਕਰਨ ਲਈ ਸਲੀਪ ਸ਼੍ਰੇਣੀ ਵਿੱਚ ਇਸ ਡੇਟਾ ਦੀ ਸਮੀਖਿਆ ਕਰ ਸਕਦੇ ਹੋ।
ਤੁਹਾਡੇ ਸਿਹਤ-ਸੰਭਾਲ ਪ੍ਰਦਾਤਿਆਂ ਦੇ ਸਿਹਤ ਰਿਕਾਰਡ: ਤੁਸੀਂ ਸਹਾਇਕ ਸਿਹਤ-ਸੰਭਾਲ ਸੰਸਥਾਵਾਂ (ਸਾਰੇ ਦੇਸ਼ਾਂ ਜਾਂ ਖੇਤਰਾਂ ਵਿੱਚ ਉਪਲਬਧ ਨਹੀਂ) ਤੋਂ ਆਪਣੀਆਂ ਐਲਰਜੀ, ਮੈਡੀਕਲ ਸਥਿਤੀਆਂ, ਦਵਾਈਆਂ ਅਤੇ ਸਿਹਤ ਸੰਬੰਧੀ ਹੋਰ ਰਿਕਾਰਡਾਂ ਦੇ ਆਟੋਮੈਟਿਕ ਡਾਊਨਲੋਡ ਨੂੰ ਸੈੱਟ ਅੱਪ ਕਰ ਸਕਦੇ ਹੋ। ਤੁਸੀਂ “ਸਿਹਤ” ਐਪ ਵਿੱਚ ਇਹਨਾਂ ਰਿਕਾਰਡਾਂ ਨੂੰ ਬ੍ਰਾਊਜ਼ ਕਰ ਸਕਦੇ ਹੋ।
Apple Watch ਤੋਂ “ਸਿਹਤ” ਐਪ ਡੇਟਾ
Apple Watch ਨਾਲ iPhone ਪੇਅਰ ਕਰਨ ਤੋਂ ਬਾਅਦ, ਸਮੇਂ-ਸਮੇਂ ’ਤੇ ਦਿਲ ਦੀ ਗਤੀ ਅਤੇ ਖੂਨ ਦੀ ਆਕਸੀਜਨ ਦੇ ਮਾਪ ਨੂੰ Apple Watch ਤੋਂ “ਸਿਹਤ” ਐਪ ਨੂੰ ਆਟੋਮੈਟਿਕਲੀ ਭੇਜ ਦਿੱਤਾ ਜਾਂਦਾ ਹੈ, ਜਿੱਥੇ ਤੁਸੀਂ ਦਿਲ ਅਤੇ ਸਾਹ ਦੀ ਦਰ ਦੀਆਂ ਸ਼੍ਰੇਣੀਆਂ ਵਿੱਚ ਹਾਈਲਾਈਟ, ਰੁਝਾਨ ਅਤੇ ਵੇਰਵੇ ਬ੍ਰਾਊਜ਼ ਕਰ ਸਕਦੇ ਹੋ। ਤੁਸੀਂ “ਸਿਹਤ” ਐਪ ਨੂੰ ਵਾਧੂ ਜਾਣਕਾਰੀ ਭੇਜਣ ਲਈ Apple Watch ਨੂੰ ਵੀ ਸੈੱਟ ਅੱਪ ਕਰ ਸਕਦੇ ਹੋ, ਜਿਸ ਵਿੱਚ ਹੇਠ ਲਿਖੇ ਵੀ ਸ਼ਾਮਲ ਹਨ:
ਕਸਰਤ ਦੇ ਮਿੰਟ ਅਤੇ ਹੋਰ ਗਤੀਵਿਧੀ ਮਾਪਕ: ਤੁਸੀਂ iPhone ’ਤੇ “ਸਿਹਤ” ਐਪ ਵਿੱਚ ਗਤੀਵਿਧੀ ਸ਼੍ਰੇਣੀ ਵਿੱਚ ਇਹਨਾਂ ਮਾਪਕਾਂ ਨੂੰ ਦੇਖ ਸਕਦੇ ਹੋ।
ਦਿਨ ਦੇ ਰੌਸ਼ਨੀ ਵਿੱਚ ਸਮੇਂ ਦੀ ਹਿਸਟਰੀ (Apple Watch SE ਦੂਜੀ ਜਨਰੇਸ਼ਨ, Apple Watch Series 6 ਜਾਂ ਬਾਅਦ ਦੇ ਸੰਸਕਰਨ ਅਤੇ ਸਾਰੇ Apple Watch Ultra ਮਾਡਲ): Apple Watch ਵਿੱਚ ਆਲੇ ਦੁਆਲੇ ਰੌਸ਼ਨੀ ਵਾਲਾ ਸੈਂਸਰ ਅੰਦਾਜ਼ਾ ਲਗਾਉਂਦਾ ਹੈ ਕਿ ਤੁਸੀਂ ਦਿਨ ਦੇ ਰੌਸ਼ਨੀ ਵਿੱਚ ਕਿੰਨਾ ਸਮਾਂ ਬਿਤਾਇਆ ਹੈ। ਤੁਸੀਂ iPhone ’ਤੇ “ਸਿਹਤ” ਐਪ ਦੇ “ਹੋਰ ਡੇਟਾ” ਸ਼੍ਰੇਣੀ ਵਿੱਚ ਵੇਰਵੇ ਦੇਖ ਸਕਦੇ ਹੋ।
ਦਿਲ ਦੀ ਉੱਚ ਜਾਂ ਘੱਟ ਗਤੀ, ਘੱਟ ਕਾਰਡੀਓ ਫ਼ਿਟਨੈੱਸ (watchOS 7.2 ਜਾਂ ਇਸ ਤੋਂ ਬਾਅਦ ਦੇ ਸੰਸਕਰਨ) ਅਤੇ ਅਨਿਯਮਿਤ ਦਿਲ ਦੀਆਂ ਗਤੀਆਂ (ਸਾਰੇ ਦੇਸ਼ਾਂ ਜਾਂ ਖੇਤਰਾਂ ਵਿੱਚ ਉਪਲਬਧ ਨਹੀਂ) ਬਾਰੇ ਸੂਚਨਾਵਾਂ: ਤੁਸੀਂ “ਦਿਲ” ਸ਼੍ਰੇਣੀ ਵਿੱਚ ਇਹਨਾਂ ਸੂਚਨਾਵਾਂ ਬਾਰੇ ਵੇਰਵੇ ਦੇਖ ਸਕਦੇ ਹੋ।
ਆਲੇ-ਦੁਆਲੇ ਦੇ ਸ਼ੋਰ ਦੇ ਪੱਧਰ ਅਤੇ ਉੱਚੀਆਂ ਆਵਾਜ਼ਾਂ ਬਾਰੇ ਸੂਚਨਾਵਾਂ: ਤੁਸੀਂ ਸੁਣਨ ਸ਼ਕਤੀ ਸ਼੍ਰੇਣੀ ਵਿੱਚ ਆਲੇ-ਦੁਆਲੇ ਦੇ ਸ਼ੋਰ ਸੰਬੰਧੀ ਵੇਰਵੇ ਦੇਖ ਸਕਦੇ ਹੋ।
“ਵਾਈਟਲਸ” ਐਪ ਵਿੱਚ ਪੂਰੀ ਰਾਤ ਦੇ ਸਿਹਤ ਮਾਪਕ: ਤੁਸੀਂ ਆਪਣੀ ਰੋਜ਼ਾਨਾ ਦੀ ਸਿਹਤ ਦੀ ਸਥਿਤੀ ਨੂੰ ਬਿਹਤਰ ਢੰਗ ਨਾਲ ਸਮਝਣ ਲਈ ਸਾਹ ਦੀ ਦਰ, ਗੁੱਟ ਦਾ ਤਾਪਮਾਨ, ਖੂਨ ਦੀ ਆਕਸੀਜਨ, ਅਤੇ ਨੀਂਦ ਦੀ ਮਿਆਦ ਜਿਹੇ ਰਾਤ ਭਰ ਦੇ ਸਿਹਤ ਮਾਪਦੰਡਾਂ ਨੂੰ ਦੇਖ ਸਕਦੇ ਹੋ। ਜੇਕਰ ਤੁਸੀਂ ਕਈ ਰਾਤਾਂ ਸੌਣ ਲਈ ਆਪਣੀ Apple Watch ਪਹਿਨਦੇ ਹੋ, ਤਾਂ ਵਾਈਟਲਸ ਐਪ ਤੁਹਾਡੇ ਸਿਹਤ ਸੰਬੰਧੀ ਹਰੇਕ ਮਾਪ ਲਈ ਇੱਕ ਖਾਸ ਰੇਂਜ ਸਥਾਪਿਤ ਕਰਦੀ ਹੈ। ਜੇਕਰ ਵੱਖ-ਵੱਖ ਮਾਪਕ ਤੁਹਾਡੀ ਆਮ ਸੀਮਾ ਤੋਂ ਬਾਹਰ ਹਨ, ਤਾਂ ਤੁਹਾਨੂੰ ਸੰਬੰਧਿਤ ਕਾਰਕਾਂ ਲਈ ਸੰਦਰਭ ਦੇ ਨਾਲ ਇੱਕ ਸੂਚਨਾ ਪ੍ਰਾਪਤ ਹੋਵੇਗੀ-ਉਦਾਹਰਨ ਲਈ ਦਵਾਈਆਂ ਜਾਂ ਬਿਮਾਰੀ। ਤੁਸੀਂ “ਵਾਈਟਲਸ” ਸ਼੍ਰੇਣੀ ਵਿੱਚ ਆਪਣੇ ਪੂਰੀ ਰਾਤ ਦੇ ਵਾਈਟਲਸ ਬਾਰੇ ਵੇਰਵੇ ਦੇਖ ਸਕਦੇ ਹੋ।
ਜ਼ੋਰ ਨਾਲ ਡਿੱਗਣ ਦੀ ਹਿਸਟਰੀ (Apple Watch SE ਅਤੇ Apple Watch Series 4 ਅਤੇ ਇਸ ਤੋਂ ਬਾਅਦ ਵਾਲੇ ਸਸੰਕਰਨ): “ਹੋਰ ਡੇਟਾ” ਸ਼੍ਰੇਣੀ ਵਿੱਚ, ਤੁਸੀਂ ਡਿੱਗਣ ਦੀ ਗਿਣਤੀ ਦੇ ਬਾਰੇ ਵੇਰਵੇ ਦੇਖ ਸਕਦੇ ਹੋ।
ਸਲੀਪ ਐਪ ਵਿੱਚ ਸਲੀਪ ਸਕੋਰ: ਤੁਸੀਂ ਨੀਂਦ ਦਾ ਸਕੋਰ ਦੇਖ ਸਕਦੇ ਹੋ—ਇਹ ਅਜਿਹਾ ਸਕੋਰ ਹੈ ਜੋ ਤੁਹਾਡੇ ਵੱਲੋਂ ਪੂਰੀ ਕੀਤੀ ਨੀਂਦ ਦੇ ਸਮੇਂ, ਸੌਣ ਦੀਆਂ ਪਿਛਲੀਆਂ ਕੁਝ ਆਦਤਾਂ ਦੇ ਮੁਕਾਬਲੇ ਤੁਹਾਡੇ ਸੌਣ ਦੇ ਸਮੇਂ ਦੀ ਇਕਸਾਰਤਾ ਅਤੇ ਨੀਂਦ ਦੌਰਾਨ ਕਿੰਨੀ ਵਾਰ ਜਾਗੇ ਅਤੇ ਕਿੰਨੇ ਸਮੇਂ ਲਈ ਜਾਗੇ ਆਦਿ ’ਤੇ ਆਧਾਰਿਤ ਹੁੰਦਾ ਹੈ। ਤੁਹਾਡਾ ਸਲੀਪ ਸਕੋਰ, ਤੁਹਾਡੇ ਜਾਗਣ ਤੋਂ ਲਗਭਗ 15 ਮਿੰਟ ਬਾਅਦ ਦਿਖਾਈ ਦਿੰਦਾ ਹੈ। ਤੁਸੀਂ ਪਿਛਲੀ ਰਾਤ ਨੂੰ ਕਿੰਨਾ ਸੁੱਤੇ, ਨੀਂਦ ਦੇ ਹਰੇਕ ਪੜਾਅ ਵਿੱਚ ਬਿਤਾਇਆ ਗਿਆ ਸਮਾਂ ਅਤੇ ਪਿਛਲੇ 14 ਦਿਨਾਂ ਵਿੱਚ ਆਪਣੀ ਨੀਂਦ ਦੀ ਔਸਤ ਵੀ ਦੇਖ ਸਕਦੇ ਹੋ। ਤੁਸੀਂ ਸਲੀਪ ਸ਼੍ਰੇਣੀ ਵਿੱਚ ਆਪਣੇ ਸਲੀਪ ਸਕੋਰ ਬਾਰੇ ਵੇਰਵੇ ਦੇਖ ਸਕਦੇ ਹੋ।
ਸੰਭਾਵੀ ਹਾਈਪਰਟੈਂਸ਼ਨ ਦੀਆਂ ਸੂਚਨਾਵਾਂ (Apple Watch Series 9, Apple Watch Ultra 2 ਅਤੇ ਬਾਅਦ ਵਾਲੇ ਮਾਡਲ): ਤੁਸੀਂ ਆਪਣੇ ਦਿਲ ਦੇ ਡੇਟਾ ਦਾ ਵਿਸ਼ਲੇਸ਼ਣ ਕਰਨ ਲਈ Apple Watch ਬੰਨ੍ਹ ਸਕਦੇ ਹੋ, ਜਿਸ ਦੀ ਵਰਤੋਂ ਸੰਭਾਵੀ ਹਾਈਪਰਟੈਂਸ਼ਨ ਦੇ ਸੰਕੇਤਾਂ ਦਾ ਪਤਾ ਲਗਾਉਣ ਲਈ ਕੀਤੀ ਜਾ ਸਕਦੀ ਹੈ। ਜੇਕਰ ਤੁਹਾਡੀ Apple Watch ਹਾਈਪਰਟੈਂਸ਼ਨ ਦੇ ਪੈਟਰਨਾਂ ਦਾ ਪਤਾ ਲਗਾਉਂਦੀ ਹੈ, ਤਾਂ ਤੁਹਾਨੂੰ ਆਪਣੇ ਸਿਹਤ ਸੰਭਾਲ ਪ੍ਰਦਾਤਾ ਨਾਲ ਉਹਨਾਂ ਬਾਰੇ ਚਰਚਾ ਕਰਨ ਲਈ ਇੱਕ ਸੂਚਨਾ ਪ੍ਰਾਪਤ ਹੁੰਦੀ ਹੈ। ਤੁਹਾਨੂੰ 7 ਦਿਨਾਂ ਦੀ ਮਿਆਦ ਵਿੱਚ ਮਾਪ ਲੈਣ ਲਈ ਤੀਜੀ-ਧਿਰ ਦੇ ਬਲੱਡ ਪ੍ਰੈਸ਼ਰ ਕਫ਼ ਦੀ ਵਰਤੋਂ ਕਰਨ ਲਈ ਵੀ ਕਿਹਾ ਜਾਂਦਾ ਹੈ। ਤੁਸੀਂ ਦਿਲ ਦੀ ਸ਼੍ਰੇਣੀ ਵਿੱਚ ਹਾਈਪਰਟੈਂਸ਼ਨ ਸੰਬੰਧੀ ਸੂਚਨਾਵਾਂ ਬਾਰੇ ਵੇਰਵੇ ਦੇਖ ਸਕਦੇ ਹੋ।
Apple Watch ਤੋਂ ਸਿਹਤ ਡੇਟਾ ਬਾਰੇ ਹੋਰ ਜਾਣਨ ਲਈ, Apple Watch ਵਰਤੋਂਕਾਰ ਗਾਈਡ ਵਿੱਚ ਸਿਹਤ ਫ਼ੀਚਰਾਂ ਨਾਲ ਸ਼ੁਰੂਆਤ ਕਰੋ, ਦਿਨ ਦੀ ਰੌਸ਼ਨੀ ਵਿੱਚ ਬਿਤਾਇਆ ਸਮਾਂ, ਸ਼ੋਰ ਦੇ ਪੱਧਰ ਨੂੰ ਮਾਪੋ, ਆਪਣੇ ਵਾਈਟਲ ਨੂੰ ਟ੍ਰੈਕ ਕਰੋ, ਡਿੱਗਣ ਦਾ ਪਤਾ ਲਗਾਉਣ ਦਾ ਪ੍ਰਬੰਧਨ ਕਰਨਾ, ਆਪਣੇ ਸਲੀਪ ਸਕੋਰ ਅਤੇ ਸਲੀਪ ਹਿਸਟਰੀ ਨੂੰ ਦੇਖਣਾ ਅਤੇ ਹਾਈਪਰਟੈਂਸ਼ਨ ਸੰਬੰਧੀ ਸੂਚਨਾਵਾਂ ਪ੍ਰਾਪਤ ਕਰਨੀਆਂ ਨੂੰ ਦੇਖੋ।
ਹੋਰ ਐਪਾਂ ਅਤੇ ਡਿਵਾਈਸਾਂ ਤੋਂ “ਸਿਹਤ” ਐਪ ਡੇਟਾ
ਜਦੋਂ ਤੁਸੀਂ ਸਿਹਤ ਅਤੇ ਤੰਦਰੁਸਤੀ ਐਪਾਂ ਨੂੰ ਸੈੱਟ ਅੱਪ ਕਰਦੇ ਹੋ ਜੋ ਤੁਸੀਂ App Store ਤੋਂ ਡਾਊਨਲੋਡ ਕਰਦੇ ਹੋ, ਉਹਨਾਂ ਨੂੰ “ਸਿਹਤ” ਐਪ ਨਾਲ ਡੇਟਾ ਸਾਂਝਾ ਕਰਨ ਦੀ ਆਗਿਆ ਦੇਣ ਲਈ ਸਕਰੀਨ ‘ਤੇ ਦਿੱਤੇ ਨਿਰਦੇਸ਼ਾਂ ਦੀ ਪਾਲਣਾ ਕਰੋ।
ਬਲੱਡ ਪ੍ਰੈਸ਼ਰ ਮੋਨੀਟਰ ਅਤੇ ਵਜ਼ਨ ਸਕੇਲਾਂ ਵਰਗੇ ਡਿਵਾਈਸਾਂ ਤੋਂ ਡੇਟਾ ਸਟੋਰ ਕਰਨ ਲਈ, ਉਹਨਾਂ ਦੇ ਸੈੱਟ ਅੱਪ ਨਿਰਦੇਸ਼ਾਂ ਦੀ ਪਾਲਣਾ ਕਰੋ। Bluetooth® ਡਿਵਾਈਸਾਂ ਨੂੰ iPhone ਨਾਲ ਪੇਅਰ ਕਰਨ ਦੀ ਲੋੜ ਹੈ।
ਨੋਟ: ਤੁਸੀਂ ਕਿਸੇ ਵੀ ਸਮੇਂ ਐਪਾਂ ਅਤੇ ਡਿਵਾਈਸਾਂ ਲਈ ਸਿਹਤ ਡੇਟਾ ਇਜਾਜ਼ਤਾਂ ਨੂੰ ਬਦਲ ਸਕਦੇ ਹੋ।
ਉਹ ਡੇਟਾ ਜੋ ਤੁਸੀਂ ਮੈਨੂਅਲੀ ਸ਼ਾਮਲ ਕਰਦੇ ਹੋ
ਤੁਸੀਂ ਆਪਣੇ ਮਾਹਵਾਰੀ ਚੱਕਰ, ਦਵਾਈਆਂ, ਸਰੀਰ ਦੇ ਮਾਪ ਆਦਿ ਬਾਰੇ ਡੇਟਾ ਮੈਨੂਅਲੀ ਭਰ ਸਕਦੇ ਹੋ।
ਆਪਣੇ ਮਾਹਵਾਰੀ ਚੱਕਰ ਬਾਰੇ ਜਾਣਕਾਰੀ ਜੋੜੋ: ਮਾਹਵਾਰੀ ਸੰਬੰਧੀ ਜਾਣਕਾਰੀ ਲੌਗ ਕਰਕੇ ਤੁਸੀਂ ਪੀਰੀਅਡ ਅਤੇ ਫ਼ਰਟਾਈਲ ਵਿੰਡੋ ਦੇ ਪੂਰਵ-ਅਨੁਮਾਨ ਪ੍ਰਾਪਤ ਕਰ ਸਕਦੇ ਹੋ। ”ਸਿਹਤ” ਐਪ ਮਾਹਵਾਰੀ ਚੱਕਰ ਦੀ ਜਾਣਕਾਰੀ ਨੂੰ ਲੌਗ ਕਰੋ ਨੂੰ ਦੇਖੋ।
ਆਪਣੀਆਂ ਦਵਾਈਆਂ, ਵਿਟਾਮਿਨ ਅਤੇ ਸਪਲੀਮੈਂਟ ਜੋੜੋ: ਇਹਨਾਂ ਆਈਟਮਾਂ ਨੂੰ ਸ਼ਾਮਲ ਕਰ ਕੇ ਤੁਸੀਂ ਉਹਨਾਂ ਨੂੰ ਲੈਣ ਅਤੇ ਉਹਨਾਂ ਬਾਰੇ ਹੋਰ ਜਾਣਨ ਲਈ ਰਿਮਾਈਂਡਰ ਪ੍ਰਾਪਤ ਕਰ ਸਕਦੇ ਹੋ। ”ਸਿਹਤ” ਐਪ ਵਿੱਚ ਆਪਣੀਆਂ ਦਵਾਈਆਂ ਨੂੰ ਟ੍ਰੈਕ ਕਰੋ ਨੂੰ ਦੇਖੋ।
ਨੀਂਦ ਦਾ ਸ਼ੈਡਿਊਲ ਸੈੱਟ ਅੱਪ ਕਰੋ: ਸੌਣ ਅਤੇ ਜਾਗਣ ਦਾ ਨਿਯਮਿਤ ਸਮਾਂ ਸ਼ੈਡਿਊਲ ਕਰਨ ਨਾਲ ਤੁਹਾਨੂੰ ਆਪਣੇ ਨੀਂਦ ਦੇ ਟੀਚਿਆਂ ਨੂੰ ਪੂਰਾ ਕਰਨ ਵਿੱਚ ਮਦਦ ਮਿਲ ਸਕਦੀ ਹੈ। ”ਸਿਹਤ” ਐਪ ਵਿੱਚ “ਨੀਂਦ ਫ਼ੋਕਸ” ਸ਼ੈਡਿਊਲ ਸੈੱਟ ਅੱਪ ਕਰੋ ਨੂੰ ਦੇਖੋ।
ਮੈਡੀਕਲ ID ਵਿੱਚ ਜਾਣਕਾਰੀ ਜੋੜੋ: ਤੁਸੀਂ ਕਿਸੇ ਐਮਰਜੈਂਸੀ ਮੈਡੀਕਲ ID ਵਿੱਚ ਜਾ ਕੇ ਆਪਣੀਆਂ ਮੈਡੀਕਲ ਸਥਿਤੀਆਂ, ਦਵਾਈਆਂ, ਐਮਰਜੈਂਸੀ ਸੰਪਰਕਾਂ ਅਤੇ ਹੋਰ ਬਹੁਤ ਕੁਝ ਬਾਰੇ ਜਾਣਕਾਰੀ ਪ੍ਰਦਾਨ ਕਰ ਸਕਦੇ ਹੋ। ਸਭ ਤੋਂ ਪਹਿਲਾਂ ਜਵਾਬ ਦੇਣ ਵਾਲੇ ਅਤੇ ਹੋਰ ਲੋਕ ਇਸ ਗੰਭੀਰ ਜਾਣਕਾਰੀ ਨੂੰ ਤੁਹਾਡੇ iPhone ‘ਤੇ ਸਿੱਧਾ ਦੇਖ ਸਕਦੇ ਹਨ, ਭਾਵੇਂ ਇਹ ਲੌਕ ਕੀਤਾ ਹੋਵੇ। ਆਪਣੀ ਮੈਡੀਕਲ ID ਦਾ ਸੈੱਟ ਅੱਪ ਕਰੋ ਅਤੇ ਦੇਖੋ ਨੂੰ ਦੇਖੋ।
“ਸਿਹਤ” ਐਪ ਦੀਆਂ ਹੋਰ ਸ਼੍ਰੇਣੀਆਂ ਵਿੱਚ ਜਾਣਕਾਰੀ ਜੋੜੋ: ਸਿਹਤ ਐਪ ਦੇ ਹੇਠਲੇ ਸੱਜੇ ਪਾਸੇ
’ਤੇ ਟੈਪ ਕਰੋ, ਕਿਸੇ ਸ਼੍ਰੇਣੀ ’ਤੇ ਟੈਪ ਕਰੋ, ਜਿਸ ਡੇਟਾ ਨੂੰ ਤੁਸੀਂ ਅੱਪਡੇਟ ਕਰਨਾ ਚਾਹੁੰਦੇ ਹੋ ਉਸ ਲਈ 
’ਤੇ ਟੈਪ ਕਰੋ, ਫਿਰ ਸਿਖਰਲੇ-ਸੱਜੇ ਪਾਸੇ “ਡੇਟਾ ਜੋੜੋ” ’ਤੇ ਟੈਪ ਕਰੋ।
ਮਹੱਤਵਪੂਰਨ: iPhone, iPad ਅਤੇ Apple Watch ਮੈਡੀਕਲ ਡਿਵਾਈਸਾਂ ਨਹੀਂ ਹਨ। iPhone ਲਈ ਮਹੱਤਵਪੂਰਨ ਸੁਰੱਖਿਆ ਜਾਣਕਾਰੀ ਨੂੰ ਦੇਖੋ।